السبت، 27 أغسطس، 2011

هذا أنـــا








هذا أنا ياللي تقول اشغلت تفكيرك 
انسان عادي < بشر > ماهو ملـ


هذا أنا قدامك وأنت حكم ضميرك
 رأس مالي احساسي غيره ماامتلـ


هذا أنا ومن يوم جتني تباشيرك
 كني سكنت بــ فلك غير هذا الفلـ



هذا أنا ياللي من نسايم عبيرك
 عطرت عمري وانا قبل كنت اجهلـ


هذا أنا يوم" لقيت بصدق تعبيرك
 شبيت ضو الغلا بالدرب لين أوصلـ 



هذا أنا حتى ولو طالت مشاويرك 
ابنتهى من أخرك قبل ابدأ من أولـ



السبت، 13 أغسطس، 2011

أيــام الأسبوع



سألتها شلونك بعد ماطول غيابي
وشلون مرت عليك أيام الأسبوع
**
قالت : السبت تخيلتك تدق بابي
والأحد إنتظرتك تطفي لي الشموع
**
والإثنين طلعت صورتك من كتابي
وسألت الصوره وينك وش الموضوع
**
والثلوث بمنامي طيفك هلا حيابي
وفقدت الأمل في رجعتك يوم الربوع
**
والخميس هوجس القلب وزاد بــ عذابي
والجمعه عيوني غرقت من كثر الدموع
**
مالقيت لــ سؤالي ؟ من يرد الجوابي
ولا لقيت العلم الصادق المنفوع
**
والحين رجعت ورجع لعمري شبابي
ولاعاد تسافر عليك السفر ممنوع
**
قت : ابسافر و أوعدك مايطول غيابي
بـ اغيب عنك بس يوم من أيام الأسبوع
****