ياليتها مالبست شيله ولا نقاب
ولا تغطت شفاته عن شفاتي
كل شي بالدنيا حسبت له حساب
إلا هالمرحله ماحسبت حساباتي
قالوا عني كبرت وصرت شاب
وصرت محبوب عند كل البناتي
محبوبتي وحده ماغيره أحباب
ولا غيرها بالدنيا تسكن حياتي
أول بوجهي ماتصك الباب
تفرح بطاري اسمي وجياتي
والحين كبرت وعليها عتاب
لبسوها مع الشيله عباتي
ومن عقب فرقاه صابني إكتئاب
أهوجس وأنسى حزت صلاتي
صرت أخاوي القلم والكتاب
وأكتب له قصيد وأجمل أبياتي
يالله من ترجاك أبد ماخاب
أرحم غريق الهوى قبل المماتي
ياعسى تجمعنا بالصدف أسباب
وأعيد ذكرى بداية خطواتي