المشاركات الشائعة

الاثنين، 22 يوليو، 2013

ياليتها مالبست شيله ولا نقاب




 ياليتها مالبست شيله ولا نقاب
               ولا تغطت شفاته عن شفاتي
 كل شي بالدنيا حسبت له حساب
            إلا هالمرحله ماحسبت حساباتي
 قالوا عني كبرت وصرت شاب
           وصرت محبوب عند كل البناتي
 محبوبتي وحده ماغيره أحباب
             ولا غيرها بالدنيا تسكن حياتي
 أول بوجهي ماتصك الباب
                تفرح بطاري اسمي وجياتي
 والحين كبرت وعليها عتاب
                   لبسوها مع الشيله عباتي
 ومن عقب فرقاه صابني إكتئاب
              أهوجس وأنسى حزت صلاتي
 صرت أخاوي القلم والكتاب
              وأكتب له قصيد وأجمل أبياتي
 يالله من ترجاك أبد ماخاب
            أرحم غريق الهوى قبل المماتي
 ياعسى تجمعنا بالصدف أسباب
               وأعيد ذكرى بداية خطواتي