الخميس، 31 مايو، 2012

تو الهوى طاب





بعد فتره غياب  و لأنشغالي
حضرت هنا ومعي شوق لكم واحساس متواضع اطمح ان تشاركون به نقد واعجاب


..........................




تكلمي .. سولفي .. لو سالفتك عتاب
أبسمع أنا صوتك يابعد كل الأصوات
مشتــاق لحرفك اللي خذاه الغيــاب
مشتاق تجمعني كلمتك بعد الشتات

عقبك ترا الوقت شكل علي أحزاب
حزب وده يبعد البسمه عني مسافات
وحزب يحاول يصيب النفس بإكتئاب
وحزب ناوي يوردني لدروب الممات

ياصاحبي .. لو كان لغيابك عذر وأسباب
معذور يـــاورد زهى بروض النبات
وان كان قصدك تفقد بعقلي الصواب
ترا شبعت  آهـات وآهـات وآهـات

ماللجفا داعي .. والبعد بين الأحباب
دام الغلا والحب  بعروقنــــا يبات
ليت القدر يفتح من أحلامنــــا باب
ويجمع أثنين إمتلت أدراجهم أمنيات

تكلمي .. سولفي .. تو الهوى طاب
وتو المسامع صحت عقب السبات

،،،،،