الاثنين، 24 أكتوبر، 2011

مــا رتويتك ،،،




.
.
.

لولا وجودك بدنياي مالي وجود
ولولا محبتك الصادقه ماكان حبيتك
...
شف غلاك شلون مع أيامي يزود
يبني من ضلوعي داخل القلب بيتك
...
يسري مع الخفاق عشقك ماله حدود
مثل النسيم العذب ليا جيت سميتك
...
تسرق من أنفاس عطرك بساتين الورود
عز الله اني حظيظ يوم انا اغليتك
...
يامعزوفه الألحان غنت لك أوتار العود
كل مازاد الوله ناديت باسمك وغنيتك
...
أسهر مع طاريك وخلق الله رقود
وأسولف للقمر وش كثر ياعشقي هويتك
...
وأشتكي له من غيابك وليه الصدود
في لحظه من زايد الشوق جيتك
...
ياالغاليه دام العطا وحبل العطا ممدود
لاتقطعين الوصل عن قلبي فديتك
...
احبك يانظر عيني والليالي شهود
جيتك عطش ومن شربتك ما رتويتك


الأحد، 2 أكتوبر، 2011

،، إبتسامه ،،


إبتسامه 
كانت بعيني علامه
عشتها جرح وندامه
بعد ماغنت أحزاني :
( انتصرنا على الفرحه واشهد يازماني )
( شف صاحبك يبكي من كثر همه يعاني )
( غابت البسمه بعينه واختفت معها إبتسامه )
- بس اقول ،،، لحظه يالحزن 
واسمع القلب وكلامه :
_ لو .. جروحي فاقت اعداد النجوم ..
_ لو .. هموهي كثر المطر والغيوم ..
_ لو .. عشت بحياه من حلوها محروم ..
_ لو .. احزانك تغطي درب عمري بظلامه ..
_ لو .. بكت عيني من غرابيل وقتي وآلآمه ..
_ لو .. حطم ضلوعي هجر الفرح وبعثر حطامه ..
_ لو .. طموحي يموت وسنيني تفوت
لايهمك صمت المشاعر
والسكوت ..
_ لو .. بكيت  ولو شكيت
ولو عطيت وماخذيت ..
{ راح تبقى الأبتسامه }
في ملامح وجهي علامه
مادااااام صبري حزامه ..
مادااااام صبري حزامه ..